၂၀၂၅ ၊ ဩဂုတ် ၁၆
    ၂၀၂၅ ဇွန်လမှာ ဆရာနေဇင်လတ် ဘာသာ ပြန်တဲ့ 'စီးပွားဖျက် သူလျှို၏ ဖြောင့်ချက်' စာအုပ်ကို မေတ္တာရိပ်နန်းစာပေက ပဉ္စမအကြိမ် ပုံနှိပ်ထုတ်ဝေလိုက် ပါတယ်။ မူရင်းက John Perkins ရဲ့ Confessions of an Economic Hit Man ဖြစ်ပါတယ်။ မူရင်းက ၂၀၀၄ ခုနှစ်မှာ ရေးပြီးခဲ့တာ ဖြစ်ပေမယ့် ဒီစာအုပ်ပါအကြောင်း အရာတွေက ဒီနေ့ထိ လတ်လတ်ဆက်ဆက်ရှိနေဆဲ ဖြစ်တယ်လို့ ဆိုနိုင်ပါတယ်။ ဒီစာအုပ်ဟာ သုတစွယ် စုံ ဘာသာပြန်စာပေဆုရ စာအုပ်လို့ ဖော်ပြထားပေမယ့် ဘယ်နှခုနှစ်က ရခဲ့တယ်ဆိုတာ ညွှန်းဆိုထား ခြင်းမရှိပါဘူး။ 'စီးပွားဖျက်သူလျှို' စာအုပ်ဟာ ပဉ္စမအကြိမ် ပုံနှိပ်ရတဲ့အထိ အောင်မြင်ခဲ့တာကို ကြည့်ရင် စာဖတ်ပရိသတ်ရဲ့ စီးပွားရေး၊ နိုင်ငံရေး စိတ်ဝင်စားမှုကို လျှော့တွက်လို့မရဘူးလို့ ပြောနိုင်ပါတယ်။
    ဆရာနေဇင်လတ်ရဲ့ အမှာစာကလည်း ပွင့်ပွင့်လင်းလင်း ရှိလှပါတယ်။
    'မြန်မာနိုင်ငံ အပြောင်းအလဲဖြစ်ခဲ့ရင် တက်လာမယ့် အစိုးရတွေအနေနဲ့ အင်မတန် သိမ်မွေ့ပြီး သိရခက်ခဲတဲ့ စီးပွားဖျက်သူလျှို (Economic Hit Man) တွေ အကြောင်းဖတ်ရရင် ကိုယ့်နိုင်ငံကို ကာကွယ်နိုင်အောင် ရည်ရွယ်ချက်နဲ့ ရေးဖြစ်ခဲ့ခြင်း ဖြစ်ပါတယ်။ စာရေးသူစိုး ရိမ်ခဲ့တဲ့အတိုင်း ၂၀၁၆ NLD အစိုးရလက် ထက်မှာ EHM(Economic Hit Man) တွေ အများအပြားဝင်ရောက် လာတာတွေ့ရပါတယ်။ မူရင်းစာရေးဆရာ John Perkins ဟာ အကြီးတန်းစီးပွားဖျက် သူလျှိုတစ်ဦးပါ။ စီးပွားရေးပညာရှင်တစ်ဦးအနေနဲ့ ဘယ်လိုအကူ အညီပေးမယ်ဆိုတဲ့ USAID မှာ EHM တွေ ဘယ်လောက်ပါဝင်နေတယ်။ ဘယ်အဖွဲ့အစည်းတွေ၊ ဘယ် NGO တွေမှာ EHM တွေ ပညာရှင်တွေအဖြစ် ပါဝင်နေတယ်ဆိုတာ တွေ့ရပါလိမ့်မယ်။}
    '၂၀၁၆ NLD အစိုးရ တက်တက်ချင်း ဗြိတိသျှသံရုံး M16 က ဂျိုးဖစ်ရှာ နေရာရခဲ့ပြီး ကမ္ဘာကျော် George Soros တို့ နေရာရခဲ့တယ်။ နိုင်ငံခြားသား အကြံပေး ၉၀ ကျော် တာဝန်ကြီးဌာနအသီးသီးမှာ နေရာ ယူခဲ့တယ်။ စီးပွားရေးအကြံပေးဆိုတဲ့ ရှောင်တာနာ နေရာရခဲ့တယ်။ ဆိုးရော့စ်ရဲ့တပည့် ဦးသောင်းထွန်းဟာ 'နိုင်ငံတော်လုံခြုံရေး'နဲ့ 'ရင်းနှီးမြှုပ်နှံမှု' ကော်မရှင်မှာ ဝန်ကြီးဖြစ်ခဲ့တယ်။ ဘယ်လောက် ကြောက်စရာကောင်းပါသလဲ။
    'NLD အစိုးရလက်ထက်မှာ ဒေါ်အောင်ဆန်းစုကြည်ဟာ သမ္မတအထက်က နေခဲ့သူဖြစ်လို့ အဲဒီနိုင်ငံခြားသား ၉၀ ကျော်ကို တာဝန်ပေးခဲ့သူ၊ ခွင့်ပြုခဲ့သူဟာ ဒေါ်စုဖြစ်ပါတယ်။ ဘာကြောင့် ဒေါ်စုအနေနဲ့ နိုင်ငံခြားသားတွေကို အဓိကနေရာတွေမှာ လုပ်ပိုင်ခွင့်ပေးခဲ့ရပါသလဲ။ နိုင်ငံခြား သားတွေအားလုံး EHM တွေဖြစ်နိုင်သလို အများစုဟာ EHM လို့ ယူဆစရာ ဖြစ်ပါတယ်။ ဒါဆိုရင် ဒေါ်စုကိုယ်တိုင်ကရော EHM ဖြစ်လေမလား။ ဒါမှမဟုတ် တိုင်းတစ်ပါးအလိုကျ ဆောင်ရွက်နေသူဖြစ်မယ်ဆိုတဲ့ မေးခွန်းဖြစ်လာစရာ ရှိလာခဲ့ပါပြီ။ ပနားမားမှာ နိုရီရေးဂါးဟာ (IA သတင်းပေးကတစ်ဆင့် တက်လာပြီး နိုင်ငံ့ခေါင်းဆောင်ဖြစ်ခဲ့တဲ့ဖြစ်ရပ် ရှိထားဖူးပါတယ်။ နိုင်ငံရေးကို အနီးကပ်လေ့လာပြီး ကိုယ့်နိုင်ငံကို ချစ်မြတ်နိုးသူတွေအနေနဲ့ စိုးရိမ်စရာ မေးခွန်းထုတ်စရာ ဖြစ်လာခဲ့ပါတယ်။'
    စီးပွားဖျက်သူလျှိုတွေသာမက သမိုင်းရာဇဝင် အစဉ်အလာကောင်းတွေကို ဖျက်မယ့်သူတွေ၊ ဘာသာ သာသနာ ယဉ်ကျေးမှု ဓလေ့ထုံးစံတွေကို ဖျက်မယ့်သူ တွေ၊ မျိုးချစ်စိတ်နဲ့ ဇာတိမာန်ကို ဖျက်ဆီးမယ့်သူတွေ၊ အလုံးစုံ အကုန်ပျက်သုဉ်းရေးဆိုတဲ့စီမံချက်ကို ယူဆောင်လာတဲ့ အဖျက်သမားတွေအားလုံး နိုင်ငံတော်ရဲ့ ထိပ်ဆုံးနေရာတွေကို ဝင်စီးခဲ့ကြပါတယ်။ ဖျက်အားပြင်း အစုအဖွဲ့တွေထဲမှာ နိုင်ငံခြားသားတွေသာမက နိုင်ငံသား တွေပါ ပါဝင်နေတာ ရင်ထုမနာ တွေ့မြင်ကြုံခဲ့ရပါတယ်။
    မူရင်းစာရေးဆရာရဲ့ အမှာစာကလည်း ဗြောင်ကျလွန်းလှတယ်လို့ ဆိုနိုင်ပါတယ်။
    'စီးပွားဖျက်သူလျှို (EHM - Economic Hit Man) များဟာ ငွေကြေးအဆမတန်ရတဲ့ ကြေးစားများဖြစ် ပြီး တစ်ကမ္ဘာလုံးအနှံ့ နိုင်ငံတွေမှာ ဒေါ်လာကုဋေပေါင်းများစွာကို လိမ်ညာလှည့်ဖြားခဲ့သူတွေ ဖြစ်တယ်။ ကမ္ဘာ့ဘဏ် အမေရိကန်ရဲ့ နိုင်ငံတကာ ဖွံ့ဖြိုးတိုးတက်ရေး အေဂျင်စီ (U.S Agency for International Develope-ment. USAID)နဲ့ အခြားအကူအညီ အထောက်အပံ့ပေးနေတဲ့ အဖွဲ့အစည်းများမှ ငွေကြေးများကို မျက်လှည့် ပြသလို ယူပစ်လိုက်ပြီး အလွန်ကြီးမားတဲ့ ကော်ပိုရေးရှင်း တချို့နှင့် သဘာဝသယံဇာတတွေကို ထိန်းချုပ် ထားတဲ့ အနည်းစုသော လူချမ်းသာကြီးများ အိတ်ကပ်ထဲရောက် သွားစေပါတယ်။ သူတို့ရဲ့ အသုံးချခံတွေကတော့ လိမ်ညာထားတဲ့ ဘဏ္ဍာရေး အစီရင်ခံစာတွေ၊ လှည့်ဖြားထားတဲ့ ရွေးကောက်ပွဲတွေ၊ ငွေပေး ငွေယူ ရှင်းတမ်း၊ မတရား ငွေရှာဖွေခြင်း၊ ကာမကိစ္စရပ်များနှင့် လူသတ်ခြင်းများ ဖြစ်ပါတယ်'လို့ ဂျွန်ပါ ကင်းက ၁၉၈၂ ခုနှစ်ကတည်းက ရေးသားဖော်ထုတ်ခဲ့တာပါ။
    ဂျွန်ပါကင်းဟာ ၁၉၇၁ ခုနှစ်ကတည်းက စီးပွားဖျက်သူလျှိုအလုပ်ကို လုပ်ခဲ့တာပါ။ သူ့ဆရာ ကလောဒင်းက 'မင်းအလုပ်က ကမ္ဘာ့ခေါင်းဆောင်တွေကို အမေရိကန်စီးပွားရေးဖွံ့ဖြိုးတိုးတက်ရေး ကွန်ရက်ထဲ ဝင်လာအောင် အားပေးဖို့ပဲ။ နောက်ဆုံး သူတို့ဟာ အကြွေးဆိုတဲ့ ထောင်ချောက်ထဲ ဝင်သွားပြီး ငါတို့လိုချင်သလို သုံးလာနိုင်မယ်။ ငါတို့ လိုအပ်တဲ့ နိုင်ငံရေး၊ စီးပွားရေး၊ စစ်ရေးတွေမှာ အသုံးတည့်လာမယ်'လို့ သွန်သင်ပါတယ်။
    ဂျွန်ပါကင်းဟာ MAIN ဆိုတဲ့ ကော်ပိုရေးရှင်းကြီးမှာ စီးပွားရေးပညာရှင်အဖြစ် အလုပ်ဝင်ခဲ့တယ်။ MAIN မှာ ဝန်ထမ်း ၂၀၀၀ ကျော်ရှိတယ်။ သူ့ရဲ့ ပထမဆုံးတာဝန်ကို အင်ဒိုနီးရှားမှာ စတင်ခဲ့တယ်။ ဂျဗားကျွန်းပေါ်မှာ စွမ်းအင်ဆိုင်ရာ စီမံကိန်းတစ်ခုလုပ်ဖို့ စေလွှတ်တဲ့လူ ၁၁ ယောက်ထဲက တစ်ယောက်အဖြစ် ပါဝင်ခဲ့ပါတယ်။
    အမေရိကန် ချမ်းသာတယ်ဆိုတာ ဆင်းရဲတဲ့ နိုင်ငံတွေကို ခေါင်းပုံဖြတ်ပြီး ချမ်းသာနေတာလို့ ဆိုပါ တယ်။
    'အရင်းအမြစ် ပေါကြွယ်ဝမှုနှင့် လုပ်ခချိုသာသော အင်ဒိုနီးရှားလို နိုင်ငံမျိုးက ကျွန်တော်တို့ နိုင်ငံ၏ စီးပွားရေးအတွက် စတေးခံနေကြသည်။ သူတို့အတွက် ဘာမှမကျန်၊ နိုင်ငံတကာ အကူအညီများဆိုသည်မှာ ကြွေးတင်စေပြီး သူတို့၏မျိုးဆက်သစ်များမှာ ထိုအကြွေး များကြောင့် ဓားစာခံကဲ့သို့ ဖြစ်နေကြရသည်။ အဲဒီကြွေးများကြောင့် သူတို့ရဲ့ သယံဇာတတွေကို ကျွန်တော်တို့ ဝါးမျိုဖို့အတွက် ခွင့်ပြုနေကြရသည်။' (စာ-၈၀)
    အင်ဒိုနီးရှားပြီးတော့ ပနားမားမှာ ဆက်လက်တာဝန်ထမ်းဆောင်ရတယ်။ နိုင်ငံကွဲသွားပေမယ့် တာဝန်က အတူတူပဲ၊ ပနားမားကို စီးပွားရေးအရ ကျွန်ပြု ရေးသာဖြစ်ပါတယ်။ ပနားမားမှာ MAIN ရဲ့ စီမံကိန်းတစ်ခုကို အကောင်အထည်ဖော်ဖို့ ဖြစ်ပါတယ်။
    'ဤစီမံကိန်းက ကမ္ဘာ့ဘဏ်၊ အင်တာ-အမေရိကန် ဖွံ့ဖြိုးရေးဘဏ်တို့ရဲ့ အဆုံးအဖြတ်နဲ့ USAID ရဲ့ ဒေါ်လာဘီလီယံများစွာ ရင်းနှီးမြှုပ်နှံမယ့် အစီအစဉ်ဖြစ်ပါတယ်။ စွမ်းအင်ဆိုင်ရာ၊ သယ်ယူပို့ဆောင်ရေး ဆိုင်ရာ၊ လယ်ယာစိုက်ပျိုးရေးကဏ္ဍများဖြစ်ပြီး ဤနိုင်ငံသေးသေးလေးအတွက် အလွန်အရေးပါသော စီမံကိန်းများ ဖြစ်သည်။ မုသားနှင့် လိမ်ညာခြင်းကို ရှောင်ရှားရလျှင် ထိုစီမံကိန်းများသည် ပနားမားနိုင်ငံအား ထာဝရအကြွေးနွံတွင် နစ်စေမည်ဖြစ်ပြီး နောက်ဆုံး ရုပ်သေးရုပ်တစ်ရုပ်ပမာ ဖြစ်စေမည့် စီမံကိန်းသာ ဖြစ်ပါသည်။' (စာ-၁၀၁)
    အမေရိကန်အစိုးရရဲ့ ကာကွယ်ရေးဝန်ကြီးဟောင်းက ကမ္ဘာ့ဘဏ်ရဲ့ ဥက္ကဋ္ဌ ဖြစ်လာတယ်။ ဂျွန်ပါကင်းက ကမ္ဘာ့ဘဏ်ဥက္ကဋ္ဌ 'ရောဘတ်မက်နာမာရာ'၏ အကြီးဆုံးသော ပြစ်မှုကျူးလွန်သည့် ပတ်သက်ပါဝင်မှုမှာ ကမ္ဘာ့ဘဏ်ကြီးကို အသုံးချပြီး ကမ္ဘာ့အင်ပါယာကြီး၏ အေးဂျင့်အဖြစ် ဆောင်ရွက်နေခြင်း ဖြစ်သည်'လို့ ဖော်ထုတ်ခဲ့ပါတယ်။ (စာ-၁၂၉-ရှု)
    ဆော်ဒီကို ခေတ်မီနိုင်ငံဖြစ်လာအောင် အမေရိကန်က လုပ်ပေးရာမှာ 'ထိုနိုင်ငံကို ကြီးစွာသော အကြွေးနွံထဲနစ်စေကာ တစ်သက်လုံး နာလန်မထူစေရန် လုပ်ဆောင်ရမည်ဖြစ်သည်။ ရေနံဒေါ်လာများကို မည်သို့ အမေရိကန်သို့ ပြန်ပို့နိုင်မည်ဟူသော ဖြစ်နိုင်သည့် နည်းလမ်းများကို ရှာဖွေရန်လည်း ဖြစ်သည်' လို့ ဆိုပါတယ်။ 'အမေရိကန်လုပ်ငန်းများသို့ ပေးရန်ရှိသည်များကို အများဆုံးဖြစ်အောင် တွက်ချက်ပေး ခြင်း၊ လုပ်ငန်းများလာသည်နှင့်အမျှ အမေရိကန်တို့အပေါ် မှီခိုရသည့် အခြေအနေကို ပို၍မှီခိုရအောင် အလေးထားဆောင်ရွက် ရပါသည်။ တည်ဆောက်ခဲ့သော လုပ်ငန်းများသည်များ ပြားရှုပ်ထွေးသည် ဖြစ်ရာ နည်းပညာထောက်ပံ့မှု၊ အဆင့် မြှင့်တင်မှု၊ ထိန်းသိမ်းစောင့်ရှောက်မှု စသည်တို့ကို မူလဆောင် ရွက်ပေးသူအပေါ် အမြဲတမ်း မှီခိုနေရတော့မည် ဖြစ်သည်။' (စာ-၁၄၂)
    ဆော်ဒီကို အမေရိကန်တို့ ဘယ်လိုချုပ်ကိုင် ခဲ့သလဲဆိုတာကိုလည်း ဖော်ထုတ်ထားတာတွေ တွေ့ရပါတယ်။
    'ဝါရှင်တန်က လိုလားသည်မှာ ဆော်ဒီသည် ရေနံပေးသွင်းမှုကို အာမခံရမည်ဖြစ်ပြီး ဈေးနှုန်းက စားနိုင်သော်လည်း အမေရိကန်နှင့် ၎င်း၏ မဟာမိတ်နိုင်ငံများ လက်ခံနိုင်သော ဈေးနှုန်းမျိုးကို ထိန်းသိမ်း ပေးထား ရမည်ဖြစ်သည်။ အခြားသော နိုင်ငံများဖြစ်ကြသည့် ဗင်နီဇွဲလား၊ အီရန်၊ အီရတ်၊ အင်ဒိုနီးရှား များက ပိတ်ဆို့မှုနှင့် ခြိမ်းခြောက်လာခဲ့လျှင် ဆော်ဒီက ၎င်း၏ အင်အားကြီးမားသော ရေနံဖြင့် လိုအပ် ချက်ကို ဖြည့်စွက်ပေးရမည်။ ဤကိစ္စကို ရေတိုမဟုတ်ဘဲ ရေရှည်ဆောင်ရွက်ပေး ရမည်ဖြစ်သည်။ အခြားနိုင်ငံများကိုလည်း ရေနံဖြင့် ပိတ်ဆို့မှု မဆောင်ရွက်နိုင်ရန် ဆောင်ရွက်ပေးရမည်ဖြစ်သည်။' (စာ-၁၄၆)
    အမေရိကန်ဘက်က လိုအပ်ရင် စစ်ရေးအကူ အညီပေးမယ်ဆိုတဲ့အထိ မက်လုံးပေးခဲ့တယ်။ ဆော်ဒီရဲ့ လက်ရှိအုပ်ချုပ်သူများ ဆက်လက်အုပ်စိုးသွားနိုင်ဖို့လည်း အာမခံချက် ပေးထားတယ်။ ဆော်ဒီ နန်းတော်ဘက်က ငြင်းပယ်နိုင်စွမ်း မရှိတော့ဘဲ ရေနံကရတဲ့ ဒေါ်လာဘီလီ ယံပေါင်းများစွာကို အမေရိ ကန်ကုမ္ပဏီများတွင် ပြန်လည် သုံးစွဲစေခဲ့ရတယ် ဆိုပါတယ်။
    အီကွေဒေါကတော့ ဆော်ဒီလို မလိုက်လျောခဲ့ပါ။ အီကွေဒေါခေါင်းဆောင် ဂျေမီရိုဒို (Jamie Roldos) ဟာ တက္ကသိုလ်မှ ပါမောက္ခတစ်ဦး။ ပြီးတော့ ရှေ့နေတစ်ဦးလည်း ဖြစ်တယ်။ လူချစ်လူခင်များတယ်။ ထင်ပေါ်ကျော်ကြားတဲ့ အမျိုးသားရေးသမားလည်း ဖြစ်တယ်။
    'ဆင်းရဲသားတို့၏ အခွင့်အရေးကို ကာကွယ်ရန် လေးနက်စွာ ယုံကြည်ထားပြီး တာဝန်တစ်ရပ် အနေဖြင့်လည်း နိုင်ငံရေးသမားတို့က နိုင်ငံ၏ ရေနံကို သတိရှိစွာ ပြန်လည်သုံးစွဲနိုင်ခွင့်ရှိရမည်ဟု ခံယူထားသူဖြစ်သည်။' (စာ-၂၂၄)
    အမေရိကန် ရေနံကုမ္ပဏီတွေက အလွန်ဉာဏ်များပါတယ်။ ပရိုတက်စ်တင့် သာသနာပြုအဖွဲ့တွေကိုပါ ခေါ်လာခဲ့ပါတယ်။ STL (Summer Institute of Lingui-stics) သာသနာပြုအဖွဲ့ကို ရိုဒိုက ဝေဖန်ခဲ့ပါတယ်။ အီကွေဒေါရဲ့ အမေဇုန်သစ်တောကြီးတွေအောက်မှာ ရေနံသိုက်ကြီးတွေ ရှိနေပါတယ်။ ဟွာအိုရာနီဆိုတဲ့ လူမျိုး နွယ်စုတွေကလည်း အမေဇုန်သစ်တောကြီးအတွင်းမှာ ရှိနေပါတယ်။ ရေနံလိုချင်ရင် ဒီလူမျိုးစု တွေကို ထွက်ခွာသွားအောင် လုပ်ရမှာဖြစ်ပါတယ်။
    'ကောလာဟလများအရ SIL မစ်ရှင်များက သူတို့ တတ်ကျွမ်းသော နည်းပရိယာယ်များဖြင့် ဌာနေလူများကို အခြားသို့ ပြောင်းရွှေ့ရန် ကြိုးစားသည်ဟု ဆိုသည်။ ထပ်ခါတလဲလဲ ကြားရသော ဖြစ်စဉ်အရ မစ်ရှင်များက ဌာနေလူများကို ဝမ်းလျှောစေသော အစားအစာများကို အလကားဝေငှကာ ထိုသူများကို ပြန်လည်ဆေး ကုသပေးပြီး အရပ်ဒေသက ဝမ်းပျက်စေကြောင်းသတင်း ထုတ်လွှင့်ပြီး ဇာတိသမားများကို ဖယ်ရှားရန် ဥပါယ်တံမျဉ်သုံးကြသည်။ အခြားသော သတင်းများုအရ SIL သည် နာမည်ကျော် ရော့ခ်ဗဲလားမှ ထောက်ပံ့ငွေများ ရရှိခဲ့သည်ဟု ဆိုသည်။} (စာ-၂၂၆)
    ရိုဒိုဟာ ကမ္ဘာ့ရေနံကုမ္ပဏီကြီးတွေကို ပြန်မောင်းထုတ်ဖို့ ကြိုးစားခြင်းဖြင့် ကမ္ဘာ့စူပါပါဝါကို ဆန့် ကျင်ခဲ့တယ်။ 'ရေနံအခြေခံနိုင်ငံရေးဇာတ်ခုံတွင် အီကွေဒေါသည် ရုတ်တရက် စင်မြင့်ပေါ်သို့ ရောက်လာခဲ့သော နိုင်ငံတစ်နိုင်ငံ ဖြစ်ပါသည်။ ရိုဒိုက ရှေ့ဆက်ခရီးနှင်နေ ပါသည်။ သူ သမ္မတမဖြစ်မီ လှုပ်ရှားမဲဆွယ်စဉ်ကပေးခဲ့သော ကတိကဝတ်များကို အလေးအနက်ထားဆောင်ရွက်သည့်အနေဖြင့် ရေနံကုမ္ပဏီများကို ဆက်လက်တိုက် ပွဲဝင်နေပါတော့သည်။' (စာ-၂၄၃)
    SIL သာသနာပြုမစ်ရှင်ကိုလည်း နိုင်ငံထဲက မောင်းထုတ်လိုက်တယ်။
    'ရိုဒိုက ရေနံကုမ္ပဏီတစ်မျိုးတည်းသာမက နိုင်ငံခြားအကျိုးစီးပွား လုပ်ငန်းအားလုံးကို သတိပေး လိုက်ပါသည်။ သတိပေးချက်မှာ အီကွေဒေါနိုင်ငံနှင့် အီကွေဒေါလူမျိုးများကို အကျိုးမပြုသော လုပ်ငန်းမျှသမျှကို တိုင်းပြည်မှ နှင်ထုတ်ပစ်မည်ဟူသော ရာဇသံပင်ဖြစ်တော့သည်။' (စာ-၂၄၇)
    ဒီလို ရာဇသံပေးပြီး အီကွေဒေါတောင်ပိုင်းကို ထွက်ခွာလာခဲ့ရာ လေယာဉ်ပျက်ကျပြီး မီးလောင်သေဆုံး သွားခဲ့ပါတော့တယ်။ ကမ္ဘာတစ်ဝက်မှာရှိသော သတင်းစာများက 'စီအိုင်အေ၏ လုပ်ကြံသတ် ဖြတ်မှု'လို့ မီးလောင်ရာ လေပင့်ခဲ့ကြပါတယ်။
    'ရိုဒို၏ လေယာဉ်ပျက်ကျသေဆုံးခြင်းသည် မည်သို့မျှ တိုက်ဆိုင်မှုတစ်ခုဖြစ်သည်ဟု ကျွန်တော်မ ယုံကြည်ပါ။ စီအိုင်အေမှ စီစဉ်သော လုပ်ကြံမှုတစ်ခုဖြစ်ကြောင်း အချက်အလက်များစွာ တွေ့နိုင်ပါသည်။ ကမ္ဘာကို သတင်းစကားပါးနိုင်ရန် စီအိုင်အေမှ ယုတ်မာကောက်ကျစ်စွာ ဗြောင်ကျကျ လုပ်ကြံလိုက်သည်ဟု ကျွန်တော်နားလည်ပါသည်။' (စာ-၂၅၀)
    ရိုဒိုသေဆုံးပြီး နှစ်လအကြာမှာ ပနားမားခေါင်းဆောင် တိုရီဂျိုးစ်လည်း လေယာဉ်ပျက်ကျပြီးသေ ဆုံးခဲ့ရပြန်ပါတယ်။ အမေရိကန်ရဲ့အလိုဆန္ဒကို မလိုက်လျောသူမှန်သမျှ ဒီလို မရှုမလှ သေဆုံးရတယ်လို့ ဆိုရလေမလား။ တိုရီဂျိုးစ်ဟာ အမေရိကန်တွေ လက်ထဲက ပနားမားတူးမြောင်းကို ပြန်ရအောင်ယူနိုင်ခဲ့ သူဖြစ်ပါတယ်။ အမေရိကန်အစိုးရကို ဆက်လက်ဆန့်ကျင်တိုက်ပွဲ ဝင်ခဲ့သူဖြစ်ပါတယ်။ ခုတော့ သူလည်း သေရပြန်ပြီ။ 'CIA လုပ်ကြံမှုကြီးဟူသော ခေါင်းကြီးပိုင်းများ၊ သတင်းများက ကမ္ဘာအနှံ့အပြား ထပ်မံထွက် လာပြန်သည်'လို့ မှတ်တမ်းတင်ထားပါတယ်။
    ဂျွန်ပါကင်းက အီရန်၊ အီရတ်၊ ဗင်နီဇွဲလား၊ ဂွါတီမာလာ စတဲ့ နိုင်ငံများရဲ့ အခြေအနေ အရပ်ရပ်ကို လည်း သုံးသပ်ဖော်ပြထားပါတယ်။ ကမ္ဘာ့စူပါ ပါဝါနိုင်ငံကြီးဟာ နိုင်ငံငယ်လေးတွေကို အကြွေးနွံမှာ နစ်စေပြီး ကျွန်ဖြစ်အောင် လုပ်နေပုံတွေကို မခြွင်းမချန် အတွင်းသားကို လှန်ပြီး ဖော်ထုတ်ရေးသား ခဲ့ပါတယ်။ သူကိုယ်တိုင်လည်း စီးပွားဖျက်သူလျှိုဘဝနဲ့ အသက် ၄၀ မှာ သန်းကြွယ်သူဌေးတစ်ဦး ဖြစ်ခဲ့တယ်လို့ ဝန်ခံထားပါတယ်။ ဒါပေမဲ့ သူ့ကိုယ်သူ ရောင်းစားခဲ့ရတဲ့ ဒီလို ဘဝမျိုးမှာ ဆက်လက် မပျော်ပိုက်တော့ဘဲ အလုပ်ကနုတ်ထွက်ခဲ့ပြီး နောင်လာနောက်သားတွေ သင်ခန်းစာ ယူနိုင်ဖို့ 'စီးပွားဖျက် သူလျှို၏ ဖြောင့်ချက်'ကို ရေးခဲ့ပါတယ်။ ကော်ပိုရေးရှင်းကြီးများ၊ နိုင်ငံတကာဘဏ်များ၊ အစိုးရများရဲ့ လုပ်နည်းလုပ်ဟန်တွေကို ဝေဖန်ရေးသားရာမှာ ပြောင်မြောက်တယ်လို့ ဆိုရမှာပါ။ ဒါ့ကြောင့်လည်း သူ့စာအုပ်က ရောင်းအကောင်းဆုံးစာရင်းဝင် ဖြစ်သွားပြီ ဘာသာ ၁၇ မျိုးနဲ့ ပြန်ဆိုထုတ်ဝေခဲ့ပြီး ဖြစ်တယ်လို့ သိရပါတယ်။ ဆရာနေဇင်လတ်ရဲ့ မြန်မာဘာသာပြန်စာ အုပ်တောင် ပဉ္စမအကြိမ်အထိ ပုံနှိပ်ထုတ်ဝေခဲ့ရပြီဆိုတော့ အမေရိကန်ငပွကြီးကို စာဖတ်ပရိသတ်က အတော်အားပေးကြတယ်လို့ ဆိုရမှာပါပဲ။
(မြတ်ဘုန်းသစ်)
(TREND News ဂျာနယ်အတွဲ(၄)၊ အမှတ်(  ) တွင်ပါရှိသော ဆောင်းပါးအား တဆင့်ပြန်လည်မျှဝေခြင်းဖြစ်ပါသည်။ )